Rabas skohterláhtut Unjárgga gielddas
FUOMÁŠ! Ávžžuhat buohkaid vuodjit siivvu mielde, go muhtun osiin láhtus lea vánit muohta.
RABAS - Láhttu 1 - Gohpeláhttu:
Gohpis, oarjebeale 198 aláža Čoskajávrái Iŋgájeakki buohta láhttu nr. 2.
Fuomáš! Rabas Čoskajávrái.
RABAS - Láhttu 2 - Unjárláhttu:
Láhttu álgá Parkeren-sajis, davábeal Unjárgga girkobáikki, “Ráhkesvuođaluotta" rastá, stuorra jeakki rastá, heastadoalvešiljui, mii manná luotta miel bajás Suovvejohvuohpi ( Bergebydalen), viidáset bálgá/tráktorluotta miel oarjjabeal Suovvejohvuohpi (Bergebydalen) Suoidneguolbanii ja Máđđavárjoga hyttáguvlui. Dás rastá Suovvejoga Boaltán bokte ja Leavdnjevári buohta Suovvejávrái.
RABAS - Láhttu 3 - Skálvejárláhttu:
Gielddageainnu geažis Fuoiknjárggas Gálbajohkii, ja RG 98 bajás gielddageainnu rai Gálbajot guora. Viidáset traktorluotta čuovvu Gálbajotjeakki, Snurrejávrri ja Gárdanjuni Skálvejávrái. Viidáset rastá Ággejávrri (jávri 196) 198 alážii máttabeal Thráná-hyhttá, nuortabeale Nostá-hyhttá ja láhttu nr. 2 Máddavárjotguolbba buohta. Skálvejávrris manná luodda Gáhkkorjávrái.
RABAS - Láhttu 4 - Nyborgláhttu:
Nyborgluohká bokte luodda rái Nieidavárrečohkkii. Nieidavárrečohka máttabeale nuorttasguvlui Hilmar Johnsena bartta davábealde viidásat dás Álddaguolbanii láhtu 3 bokte.
RABAS - Láhttu 5 - Suovkaláhttu
Skohterláhtu luoddaearus, mii lea máttabeale E6/E75, davás Varanger Kraft guvlui.
Eurohpágeainnu rasttildit 50-leaktorájá siskkobealde ja oarjjabeal Varanger Kraft. Viidásat davágeahčái Vuonnabađajekkiid gitta Suovkageainnu geahčái, ja das fas viidásat Suovkageainnu miel Nyborgguolbanii. Liigeluodda manná davábeale Varanger Kraft ja vulos nuortamáttás bensinstášuvdnii.
RABAS - Láhttu 7 - Vuonnabahláhttu:
Vuonnabađas fiervagátte, birra Skikkanjárgga Njiđggujohnjálbmái ja johkaráigge bajás Vuolle Njiđggu bruggii. Viidásat máddaovstta beale gielddageainnu, ovsttabeale Guovžabávtte, Čorrui, dákko gokko rasttilda E6 ja viidásat Stuorravuonguolbanii/čievraválddahakii.
Linjáluotta mielde Njiđggu guvlui máttabeale Rásánoaivvi. Das nuorttas E6:eža guvlui, mii rasttilda gieldda geainnu 60-leaktorájá siskkalbealde. Gielddageainnu maŋŋá vuolit Njiđggu šaldái. Viidásat máddaovstta beale gielddageainnu, dasto ovsttabeale Guovžabávtte, Čorrui, dákko gokko rasttilda E6 ja viidásat Stuorravuonguolbanii/čievraválddahakii. Liigeluodda vuolit Njiđggujoga šalddis ráđđevistái.
GITTA - Láhttu 8 - Luohkejeaggeláhttu
Čorus eanandoaloluotta mielde rastá Njiđggujoga, ja viidásat Luohkejeakki oarjjimus barttaide.
RABAS - Láhttu 9 - Suolojárláhttu
Stuorravuonguolbana čievravieččahagas ja manná miettá Stráncce parkerenbáikki gitta Njiđggujávrre oivošii ja čuovvu Suolojárláhtu. Fuomáš! Rabas NJiđgojávrri oivošii.
RABAS - Láhttu 10 - Sirdagohppeláhttu
Sirddagohpis gitta Stuorravuonguolbanii láhttu nr. 9 rádjai.
GITTA - Láhttu 11 Elášjávriláhttu (Leidnun)
Láhttu nr. 9 rájes Mággásuoidnejávrris gitta Álásjávrái, mii manná Rávdorokki, Bártnajávrri, Savetluobbala, Leidnunjoga ja Niiladeanoluobbal bokte.
Liigeláhttu: Uhca Savetláddos Savetjoga bokte nuppi Savetjávrái. Rahppo go bajit oassi Álásjávreláhtus ja/dahje Diergeláhttu ferte giddejuvvot.
GITTA - Láhttu 12 - Diergeláhttu
Láhttu nr 7 Stuorravuonguolbanis Áddjálasguolban bokte ja Reatkkaguolbanis máttageahčái Diergejávrri, dan láhtu mielde maid badjeolbmot geavahit.
GITTA - Láhttu 13 - Ođđajohláhttu
Ođđajogas badjel Sundejávrri ja Sábbenjávrri Suolojávrái.
Gitta ođđajagimánu 20.beaivve rájes numo orohat 6 ávžžuha.
