Vorren lea bargan beaivvalaš jođiheaddjin RSK Øst-Finnmark, gos son lea ovttasbargan skuvllaiguin ja mánáidgárddiiguin miehtá Nuorta-Finnmárkku, nannen dihte kvalitehta ja gelbbolašvuođa. Son lea maid leamaš jođiheaddjin Nuorra ealáhusdoaimmas Finnmárkkus, fágajođiheaddjin skuvllas ja oahpahan skuvlajođiheami allaskuvlla dásis. Dasa lassin lea sus mastergráda jođiheamis, nu ahte sus duođaid lea máhttu loktet bajásšáddan- ja kultuvrra surggiid Unjárggas!
Maid galgá Randi Vorren bargat?
Gieldda- ja bajásšaddanjođiheaddjiin lea sus ovddasvásttadus mánáidgárdái, skuvllii, girjerádjosii, Isak Saba giellaguovddážii, kulturskuvlii, nuoraidklubbii ja kulturbálvalusaide gielddas.
Sus lea vásáhus bargat skuvllaid, mánáidgárddiid, eaktodáhtolaš joavkkuidguin ja fitnodagaid gaskkas, ja diehtá man dehálaš ovttasbargu lea go galgá hábmet buriid fálaldagaid álbmogii.
Mii illudit dassái go Randi boahtá, ja sávvat sutnje bures boahtima jođiheaddjin Unjárgga gielddas!
Randi Vorren galgá searvat gieldda jođiheaddjejovkui oktan Gielddadirektevrrain Charles Petterson, Ovdánahttin- ja teknihkalaš bálvalusaid hoavddain Jørn S Opdahl ja Dearvvašvuođa- ja sosiálabálvalusaid hoavddain Daniel Østmo.
