Leat máŋga tuvrra mat dolvot du sihke bajás ja vulos, ja Unjárgga gielddas leat 19 tuvrra. Min gieldda Bearraltuvra-oktavuohtaolmmoš, guhte ovttasbargá eaktodáhtolaččaiguin ja Finnmárkku Olggostállanráđiin, lea Per-Inge Heitmann Olsen, tlf.: 404 40 544, e-poasta: per.olsen@nesseby.kommune.no
Bearraltuvra lea gitta álggu rájes 2016:s šaddan Finnmárkku stuorimus ja dehálamos aktivitehta olgoáibmodoaimma ja álbmotdearvvašvuođa hárrái. Gielddat váldet vuhtii máŋggabealát geografiijja ja tuvrraid hástaleaddjivuođa váljjedettiineaset Bearraltuvrraid. Tuvrraid hástaleaddjivuohta rievddada ja dat leat meroštallon dan mielde jogo ruonán, alihin dahje ruoksadin, mas ruoná lea oanehamos tuvrrain.
Ná dagat Bearraltuvra-oassálastin:
- Dieđuid olles jagi buot tuvrraid birra gávnnat neahttasiiddus perletur.no
- Sáhttá maiddái geavahit appa Stikk UT!. Viečča appa ja ráhkat alccet geavaheaddjikonto
- Joavddadettiinnat tuvrra mihttomearresadjái gávnnat koda, mas leat 2 logu ja 2 bustáva. Dáid čálát sisa perletur.no:i dahje appii Stikk UT!
- Lea álki lasihit bearašláhtuid du geavaheaddjikontui
- Fitnodagat ja bargosajit ávžžuhuvvojit oassálastit Bearraltuvra Fitnodahkii/Perletur Bedrift:i
- Bearraltuvrraid áigodat bistá miessemánu 10. beaivvis gitta golggotmánu 31. beaivái (10.5 - 31.10)
- Jagis 2025 ráhkadit Bearraltuvra-gihppagiid maid sáddet buot ruovttuide
- Bearraltuvrraid álggut galbejuvvojit. Máŋga tuvrra leat dasa lassin merkejuvvon
- Sidjiide geat oassálastet Bearraltuvrraide leat sihke vuoittut ja ollu mii lea gelddolaš. Min neahttagávppis lea vejolaš oastit dán jagi kohpa, lihtti ja eará gálvvuid. Dieđut dáhpáhusaid ja neahttágávppi birra gávnnat perletur.no:s
- Bearraltuvra geavaha maiddái Facebook. Čuovo min Perletur Finnmark ja dáppe mii guoská Unjárgga gildii Nesseby kommune
- Juogat fal iežat govaid earáiguin #perletur
- Finnmárkku Olggostallanráđđi dárbbaša govaid Perletur 2025. Máŋga tuvrra dárbbašit maiddái ođđa luoddalogga. Sáddes deike post@perletur.no – Buohkat geat veahkehit dáinna leat mielde Perletur-vuoittuid vuorbádeamis.
- Eanet dieđuid várás sáhtát váldit oktavuođa min Bearraltuvra-oktavuohtaolbmuin dahje Finnmárkku Olggostallanráđiin post@perletur.no – 975 20 450
 |
 |
