–Mun áiggun searvat go lea buorre oažžut dearvvašvuođaiskkadeami, ja lea maid hui buorre gildii diehtit movt álbmoga dearvvašvuohta lea. Dan sáhttit atnit ávkin ráhkadit buoret dearvvašvuođabálvalusaid ja birrasa mii ovddida buori dearvvašvuođa, dadjá sátnejođiheaddji Berit Ranveig Nilssen gii ávžžuha buohkaid geat bovdejuvvojit searvat.
Movt čađahuvvo iskkadeapmi?
- Deavdde jearahallanskovvi digitálalaččat dahje báberhámis.
- Fina fysalaš iskkadeamis: boađe min dutkanstašuvdnii oažžut dearvvašvuođaiskkadeami
- Mihtideamit iskkadeamis: allodaga ja deattu, ja birramihtu seakkáža ja alimiid bokte, váimmu ritmma (EKG), varradeattu ja váimmu ravkasa (pulsa) go leat muosis, giehtačárvema
- Muhtin oasseváldiin mihtidit geahppáid kapasitehta (spirometriija), ja jearrat atnit aktivitehtamihtu ovtta vahku
- Iskosat: mii váldit varraiskosiid ja jearrat oasseváldiin attáše go gožžaiskosa ja vuoktaiskosa
Maid oaččut diehtit iežat birra
Maŋŋel iskkademiid oaččut bohtosa dihto mihtidemiin ja analysain. Oaččut earret eará diehtit iežat allodaga, deattu, rumašmássaindeavssa (BMI), alimiid ja seakkáža mihtuid, varradeattu, váimmu ravkasa (pulsa) go leat muosis, varraproseantta ja guhkesáiggi varrasohkkara meriid. Jus muhtin dáin mihtidemiin čájeha dárbbu medisiinnalaš dikšui, de ávžžuhuvvot mannat doaktára lusa.
Du oassálastin lea stuora ávkin!
Go searvvat, de leat mávssolaš veahkkin dearvvašvuođadutkamii. Iskkadeami bohtosat sáhttet atnot vuođđun buoridit dearvvašvuođabálvalusaid ja buoridit álbmoga oppalaš dearvvašvuođa.
Dat leat deaŧalaš dieđut suohkaniidda, gielddaide, fylkkagielddaide, dearvvašvuođaeiseválddiide ja Sámediggái.
Juohke oasseváldi lea lihka dehálaš, leaččat dál sápmelaš, kvena, dáčča, nuorra dahje boaris, dearvvaš dahje buohcci. Dađi eambbosat leat mielde, dađi buoret ja ollislaš šaddá SAMINOR.
Vuoitte el-sihkkela
Buohkat geat leat servet sáhttet vuoitit el-sihkkela, hárjehallandiimmuid ja eambbo. SAMINOR almmuha go lea vuorbádan vuoittuid ja váldá oktavuođa vuitiiguin. Du persovnnalaš dieđut lea suodjaluvvon ja vuorbádeapmi ii čadnojuvvo vástádusaide dahje iskkademiide.
Praktihkalaš dieđut
- Goas: miessemánu 26. beaivvi – geassemánu 6. beaivái
- Gos: 8 seasons hoteallas
- Rahpanáiggit:
- Vuossárggas bearjadahkii dii. 09.00-16.30
- Maŋŋebárggaid ja duorastagaid gitta 18.00 rádjái
- Lávvardaga miessemánu 31.b., dii. 10.00-14.00
|
SAMINOR 3 lea dearvvašvuođaiskkadeapmi mii guorahallá movt suohkaniid álbmoga dearvvašvuohta lea. Go oassálastet iskkadeamis de vástidat jearahallanskovi ja finat fysalaš dearvvašvuođaiskkadeamis SAMINORa stašuvnnas mii lea suohkanis. Bohtosiid iskkadeamis oaččut ovttatmano ja sáhttet leat dehálaš dieđut du dearvvašvuođa birra.
|
 |
Miessemánu 26. beaivvi álgá SAMINOR 3 iskkadeapmi Unjárggas. Buohkat gaskkal 40-79 jagi leat bovdejuvvon searvat. Lea goalmmát geardde go iskkadeapmi čađahuvvo suohkanis. 
Du oassálastin addá dieđuid álbmot dearvvašvuođa birra suohkanis ja dat lea dehálaš go galget buoridit dearvvašvuođabálvalusaid ja suohkana ássiid dearvvašvuođa. Dasa lassin leat maid mielde vuorbádeames ja sáhtát vuoitit el-sihkkela, valáštallantiimmuid ja eambbo. Mii šávvat ahte buohkat geat leat bovdejuvvon servet! Bures boahtin! #SAMINOR
