Oasseváldit Unjárgga, Čáhcesullo ja Báhcavuona gielddain ožžo vejolašvuođa nannet iežaset gelbbolašvuođa das mo gielddat sáhttet meannudit heahtediliid dorvvolaččat, beaktilit ja koordinerejuvvon vuogi mielde.
Máhttu mii buktá dorvvolašvuođa
Go heahtedilli čuožžila, de sáhttet minuhttat ja diimmut mearridit šaddetgo váikkuhusat smávvát vai stuorrát. Danne lea máhttu ja hárjehallan heahtedili hálddašeamis áibbas mearrideaddji. Kursa veahkehii oasseváldiid:
- áddet mo heahtedilit ovdánit ja mii lea deaŧalaš álgomuttus,
- oahppat mo sáhttá dahkat buriid mearrádusaid vaikko lea váttis,
- hárjehallat ráhkadit oktasaš dilleáddejumi heahtedillejođiheaddjegottis,
- háhkat vásáhusaid ovttasbarggus rollaid ja gielddaid gaskkas.
Dát gelbbolašvuohta ii leat dušše teorehtalaš, muhto sáhttá váldot njuolga mielde heahtegearggusvuođabargui ovttaskas gielddas.
Mearkkašupmi guvlui
Nuorta-Finnmárkui lea dát kursa erenoamáš dehálaš mearkkašupmi. Min guovlu lea eksponerejuvvon sihke geográfalaččat ja dálkkádagaid dáfus, ja mis leat heahtegearggusvuođa hástalusat mat leat earáláganat go ollu eará guovlluin riikkas.
Go mii čohkket Unjárgga, Čáhcesullo ja Báhcavuona oktasaš gelbbolašvuođaloktemii, de duddjojuvvo guvllolaš gearggusvuođaáddejupmi. Dat mearkkaša ahte mii:
- mii sáhttit álkibut doarjut guhtet guoibmámet go kriisa čuožžila,
- mis lea oktasaš giella ja metodihkka heahtedillehálddašeapmái
- mii hukset fierpmádaga olbmuiguin geain lea seamma oahppu ja vásáhusat,
- mii nannet ollislaš gearggusvuođa Nuorta-Finnmárkkus.
Boahtteáiggi áŋgiruššan
Gelbbolašvuođa lokten gearggusvuođasuorggis lea guhkesáigásaš investeren. Ii leat dušše sáhka das ahte ráhkkanit buorebut otná hástalusaide, muhto maiddái das ahte leat ráhkkanan boahtteáigái. Ođđa áitagat nugo digitála falleheamit, ekstremadálkkit ja vuorddekeahtes dáhpáhusat gáibidit ahte mii dađistaga buoridit iežamet máhtu ja gelbbolašvuođa.
Dáinna kurssain leat Nuorta-Finnmárkku gielddat váldán stuorra lávkki sihkkarastin dihte sihke ássiid, báikegottiid ja kritihkalaš servodatdoaimmaid, maidda mii buohkat leat sorjavaččat.
