Bures! Mu namma lea Sini Rasmus, ja mun lean doavttergrádastipendiáhta Sámi allaskuvllas ja dán dutkanprošeavtta jođiheaddji. Lean dutkamin rávisolbmuid Unjárggas, geat leat hállagoahtán sámegiela rávisolmmožin juogo ođđasit dahje sii geat leat áibbas álggu rájes oahpahallan sámegiela. Háliidan jearahallat maiddái sin, geat eai nu dávjá hála sámegiela, muhto áddejit eanáš maid earát hállet.
Mun lean ohcamin olbmuid geat háliidit searvat dán dutkamii ja vástidit elektrovnnalaš jearahallanskovvái. Bistá sullii 20 minuvtta vástidit buot gažaldagaide. Sáhtát válljet háliidatgo vástidit dárogillii dahje sámegillii.
Dá liŋka jearahallanskovvái: https://nettskjema.no/a/361577
Jearahallanskovvi lea rabas guovvamánu 22.bv. rádjái.
Jus dárbbašit álggahanveahki jearahallanskovvái, de lean olámuttus Isak Saba guovddážis.
Jus háliidat eanet dieđuid, de sáhtát váldit muinna oktavuođa e-poastta čađa: sinim@samas.no dahje riŋgestit tlf.nr. 482 123 74.
