Roggandieđáhusas čilgejuvvo jearaldat mii sáddejuvvo neahttaeaiggádiidda go áigot goaivut eatnama ja háliida gávnnahit gokko johtasat ja revrret leat roggojuvvon eatnamii. Dán jearaldaga oktavuođas sáhttá oažžut Geomatikk čujuhit gokko kábel manná. Das gii roggá, lea iskangeatnegasvuohta dán ektui, ja roggandieđáhus sáddemiin don deavddát iežat geatnegasvuođaid dán oktavuođas. Roggandieđáhus ii atte dutnje gii rokkat makkárge lobi roggat eatnama. Dán ferte čielggadit suinna gii lea dán guovllu eanaeaiggát.
Vai sáhttá addit rievttes ja jođánis máhcahaga, de lea stuora ovdamunnin ahte roggandieđihanbálvalus oažžu kártta mii čájeha rogganguovllu. Sáhtát ieš boahtit ja čájehit gos háliidat roggat, dahje bijat mielddusin ipmirdahtti kártta masa dán leat merken. Roggandieđáhusa attát teknalaš ossodahkii. Teknalaš ossodat viežžá lobi Geomatikk:as ja Varanger kraft:as. Don sáhtát maid ieš sáddet roggandieđáhusa Geomatikk ja Varanger kraft cealkámuššii. Dan sáhtát dahkat Geomatikk kundarportála bokte, mas lea kárta gos sáhtát sárgut rogganguovllu, ja čuojahit Varanger Kraft:ii.
Rogganohcan
Rogganohcama sádde almmolaš eiseváldái oažžun dihte lobi roggat dahje bargat almmolaš eatnamis. Go áiggut roggat, de fertet álo oažžut lobi eananeaiggádis - ja go eananeaiggát lea gielda, de fertet ohcat gielddas lobi. Galggat maid sáddet almmolaš ohcama jus áiggut bargguid dahkat almmolaš čáhce- ja duolvačázi rusttegiin, dahje bargat dálá jođasráhkadusas almmolaš geainnuid vuolábealde dahje almmolaš geainnu mielde.
https://ledningsportalen.no/tjenester/gravemelding-og-kabelpavisning/
